تجربة الطالبة سالي محروس
البكلوريا هي محطة بحياتنا بتوصلنا ليلي بدنا ياه (المستقبل)
هي أول امتحان حقيقي بحياتنا كل إنسان بكون حابب يدخل فرع جامعة معين وببلش يبني أحلامه،
بأول السنة حطيت ببالي الأولى على القطر وشوي بعد شوي بلشت البكلوريا بالجد وبلش التوتر فقلت منيحة الأولى على المحافظة وبتزداد الصعوبة وبيزداد التوتر والهم فقلت أولية على المدرسة منيحة وبعد ما خلصت بكلوريا بقول يارب بس بدي فوت الفرع يلي بحبو.
بس أكتر شي كان يعطيني دافع لأغصب حالي على الدراسة –أهلي-يلي تعبوا كتير مشاني كنت حب أدرس لفوت الفرحة على قلبهن ومرقت السنة
وجاء شهر العطلة ويلي هو شهر النكد والملل والمخططات
ووقت الفحص يوم بعد يوم مناح بمواد ومضروبين بمواد وهيك خلصت أحلى محطة صحيح فيها كتير حزن وتوتر وملل وخوف بس لنشوف النتائج ونفوت الجامعة
حنعرف قيمتها كتير وبعد ما خلصت من هالتجربة بقول البكلوريا مو صعبة أبداً بس همها أكبر منها فلا تسمعوا الإحباط يلي حوليكن واسمعوا صوت حلمكن واشتغلوا مشانوا وبس.
ما هي ردة فعلك؟
